កម្មវិធី ៦ សម្រាប់ជួយគ្រប់គ្រងការសិក្សាអនឡាញ

ប្រធានបទគ្របដណ្តប់

ជំងឺរាតត្បាតបានជះឥទ្ធិពលយ៉ាងខ្លាំងដល់របៀបបង្រៀនរបស់ស្ថាប័នអប់រំ។ ជាមួយនឹងការរៀនពីចម្ងាយដែលបានក្លាយជាបទដ្ឋាន វាមានសារៈសំខាន់សម្រាប់សិស្សក្នុងការសម្របខ្លួនទៅនឹងការសិក្សាអនឡាញ។

ទោះបីជាការរៀនអនឡាញមានភាពងាយស្រួល និងបត់បែនដោយអ្នកអាចសិក្សានៅផ្ទះ វាក៏មាននូវបញ្ហាប្រឈមរបស់វា។

ដោយមានការរំខានពីអ៊ីនធឺណិត និងនៅក្នុងផ្ទះ អ្នកត្រូវរក្សាវិន័យ និងគ្រប់គ្រងពេលវេលារបស់អ្នកឱ្យបានត្រឹមត្រូវ ដើម្បីគ្រប់គ្រងការសិក្សារបស់អ្នក។

សំណាងល្អ មានកម្មវិធីសិក្សាដែលអាចជួយអ្នកបាន។

យើងមានកម្មវិធីសំខាន់ៗមួយចំនួនដែលនឹងជួយអ្នកក្នុងការគ្រប់គ្រង និងពន្លឿនការសិក្សាអនឡាញរបស់អ្នក ក៏ដូចជាជួយអ្នកឱ្យសិក្សាបានល្អ។

កម្មវិធីអប់រំ ៦ សម្រាប់ជួយគ្រប់គ្រងការសិក្សាអនឡាញ

បង្កើនប្រសិទ្ធភាព និងទទួលបានកាន់តែច្រើនពីការសិក្សាអនឡាញជាមួយនឹងកម្មវិធីទាំងនេះដែលមាននៅលើ App Store ឬ Google Play Store ។

១. Google Workspace

ជាមួយនឹងអ្នកប្រើប្រាស់ជាង ១.៨ ពាន់លាននាក់នៅទូទាំងពិភពលោក Gmail គឺជាអ៊ីមែលដ៏ពេញនិយមបំផុត។

ដូច្នេះ អ្នកនិងមិត្តរបស់អ្នកអាចនឹងមានគណនី Gmail ហើយវាមានប្រយោជន៍ជាពិសេសក្នុងការប្រើប្រាស់ Google Workspace។

ងាយស្រួលក្នុងការរក្សាទុក និងចូលប្រើឯកសារជាច្រើន – ពីឯកសារ ដល់បទបង្ហាញ – ហើយចែករំលែកជាមួយមិត្តរួមក្រុមរបស់អ្នកដើម្បីធ្វើការជាមួយគ្នាក្នុងពេលតែមួយ។

លើសពីនេះ មុខងារដែលមានប្រយោជន៍ផ្សេងទៀតនៃ Google Workspace រួមមាន Calendar ដែលអាចកត់ចំណាំថ្ងៃសំខាន់ៗរបស់អ្នក ក៏ដូចជាមុខងារ Meet ដែលអនុញ្ញាតឱ្យអ្នកធ្វើការហៅជាវីដេអូ។

២. Evernote

ដូចដែលឈ្មោះរបស់វាបានបង្ហាញ Evernote គឺជាកម្មវិធីដែលកើតចេញពីការកត់ចំណាំ។

លើសពីកម្មវិធីសៀវភៅកត់ត្រា និងកម្មវិធីផ្ទុកទិន្នន័យដែលអាចឱ្យអ្នកកត់ត្រាបាន Evernote ក៏អនុញ្ញាតឱ្យអ្នកបង្កើតបញ្ជី កំណត់ការរំលឹក ក៏ដូចជាការកត់ចំណាំមេរៀន។

លើសពីនេះ វាអាចភ្ជាប់ជាមួយឧបករណ៍ទាំងអស់របស់អ្នក ដូច្នេះអ្នកអាចសសេរនៅលើទូរស័ព្ទរបស់អ្នកបានយ៉ាងងាយស្រួល ហើយសសេរបន្តនៅលើកុំព្យូទ័របស់អ្នក។

៣. Dropbox

ប្រសិនបើកុំព្យូរទ័ររបស់អ្នករញ៉េរញ៉ៃ វាអាចច្រលំជាមួយនឹងឯកសារជាច្រើនដែលអ្នកបានបង្កើតក្នុងមួយឆមាស។ ដូច្នេះហើយ វាអាចមានបញ្ហាក្នុងការស្វែងរកឯកសារ ឬអាចធ្វើឱ្យកុំព្យូទ័ររបស់អ្នកគាំង។

ប្រើប្រាស់ Dropbox អ្នកអាចរក្សាទិន្នន័យនៅលើអ៊ីនធឺណែតបាន។

ក្រៅពីការរក្សាទុកឯកសាររបស់អ្នកហើយ វាក៏អាចឱ្យអ្នកចូលទៅកាន់ឯកសារបានយ៉ាងរហ័ស និងអនុញ្ញាតឱ្យអ្នកចែករំលែកឯកសារ – សូម្បីតែអ្នកដែលមិនមានគណនី Dropbox ក៏ដោយ។

អ្នកក៏អាចធ្វើការជាមួយមិត្តរួមក្រុមរបស់អ្នកតាមរយៈមុខងារពិសេស ដូចជាកែប្រែឯកសារ និងគ្រប់គ្រងកិច្ចការ។

៤. IDP Live

ភ្ជាប់ជាមួយនិស្សិតអន្តរជាតិ និងស្ថាប័ននានាជុំវិញពិភពលោក និងចូលមើលឯកសារទាក់ទងនឹងការសិក្សានៅបរទេសតាមរយៈកម្មវិធី IDP Live ។

កម្មវិធីនេះមានគន្លឹះមានប្រយោជន៍ ដំបូន្មាន រឿងផ្ទាល់ខ្លួន និងវីដេអូពីនិស្សិតអន្តរជាតិ និងស្ថាប័ននានាជុំវិញពិភពលោក។

ដោយនិស្សិតទាំងនេះធ្លាប់មានបទពិសោធន៍សិក្សានៅបរទេសរួចហើយ អ្នកអាចទទួលបានការជំរុញ និងចំណេះដឹងផ្ទាល់ពីពួកគេ មុនពេលអ្នកចាប់ផ្តើមដំណើរផ្សងព្រេងទៅសិក្សានៅបរទេស។

ដោយផ្អែកលើប្រវត្តិរូបរបស់អ្នក IDP Live នឹងរៀបចំការណែនាំដែលសាកសមបំផុត យោងទៅតាមគោលដៅសិក្សា និងតម្រូវការផ្ទាល់ខ្លួនរបស់អ្នក។

ដូចគ្នានេះផងដែរ អ្នកនឹងអាចមើលពីសាកលវិទ្យាល័យ វគ្គសិក្សា ស្ថាប័ន និងសាកលវិទ្យាល័យ ព្រមទាំងតាមដានដំណើរការពាក្យចូលសិក្សារបស់អ្នក។

៥. Doodle

វាអាចមានការពិបាកក្នុងការរៀបចំការប្រជុំ ជាពិសេសនៅពេលដែលមានមនុស្សច្រើនជាងពីរនាក់ចូលរួម ហើយវានឹងកើតឡើងនៅពេលដែលត្រូវប្រជុំក្នុងម៉ោងដូចគ្នា។

សំណាងល្អ Doodle អាចធ្វើឱ្យការធ្វើកាលវិភាគកាន់តែងាយស្រួលសម្រាប់អ្នក។

បើក "time block” ដើម្បីបង្ហាញពីពេលទំនេររបស់អ្នក ដើម្បីឱ្យអ្នកដទៃអាចមើល និងឆ្លើយតបទៅនឹងពេលវេលាដ៏មមាញឹករបស់អ្នកបានភ្លាមៗ ដោយមិនចាំបាច់ធ្វើបច្ចុប្បន្នភាព។

ដើម្បីបើកការប្រជុំជាមួយមនុស្សបី ឬច្រើននាក់ អ្វីដែលអ្នកត្រូវធ្វើគឺ ស្ទង់មតិតាម Doodle ដែលអនុញ្ញាតឱ្យអ្នក (មិនចាំបាច់ចុះឈ្មោះចូលទេ!) ឆ្លើយតប និងជ្រើសរើសម៉ោងដើម្បីប្រជុំ។

៦. Zoom

ជាមួយនឹងមុខងារសន្និសីទវីដេអូ និងកន្លែងរក្សាទិន្នន័យដែលអាចទុកចិត្តបានសម្រាប់ការប្រជុំជាវីដេអូ និងសំឡេង ការជជែក សិក្ខាសាលា និងការសហការ Zoom អាចប្រើប្រាស់បាននៅលើកុំព្យូទ័រ និងទូរស័ព្ទ។

នៅឆ្នាំ ២០២០ វាបានក្លាយជាកម្មវិធីដែលគេប្រើច្រើនបំផុត ជាមួយនឹងការទាញយក ៤៨៥ លានដងក្នុងមួយឆ្នាំ។

ដោយសារថ្នាក់រៀនអនឡាញធ្វើឡើងនៅក្នុង Zoom អ្នកគួរទាញយកមុនពេលចូលរៀន ដើម្បីត្រៀមខ្លួន។

បន្ថែមពីការចូលរៀនអនឡាញ អ្នកក៏អាចប្រើវាដើម្បីជួបប្រជុំជាមួយមិត្តរួមក្រុមរបស់អ្នក ឬពិគ្រោះជាមួយសាស្រ្តាចារ្យរបស់អ្នក។

ជ្រើសរើសគោដៅសិក្សារបស់អ្នក

ដោយសារជំងឺរាតត្បាតនឹងបន្តកើតមាន មានឱកាសខ្ពស់ដែលអ្នកត្រូវសិក្សាតាមរយៈការសិក្សាបញ្ចូលគ្នា ទោះបីជាអ្នកចុះឈ្មោះសិក្សានៅស្ថាប័ននៅក្រៅប្រទេសក៏ដោយ។

ទោះជាយ៉ាងណាក៏ដោយ អ្នកនៅតែអាចសិក្សាបាន មិនថាសិក្សាអនឡាញ ឬនៅក្នុងថ្នាក់រៀននោះទេ។

ប្រសិនបើអ្នកនៅតែគិតចង់ទៅសិក្សានៅបរទេស យើងរីករាយនឹងជួយអ្នកក្នុងដំណើរដាក់ពាក្យសិក្សានៅបរទេស ដូច្នេះអ្នកអាចទទួលបានជោគជ័យ។

នៅ IDP យើងមានអ្នកប្រឹក្សាផ្នែកអប់រំដែលមានបទពិសោធន៍ ដែលអាចផ្តល់ដំបូន្មានក្នុងពេលសិក្សាបញ្ចូលគ្នា និងសិក្សាអនឡាញនេះ ក៏ដូចជាឆ្លើយរាល់សំណួររបស់អ្នក។

ចាប់ផ្តើមជាមួយវគ្គប្រឹក្សាដោយឥតគិតថ្លៃ ឬណាត់ជួបពិភាក្សាជាមួយយើងតាមរយៈអ៊ីនធឺណែត!