មើលដំណើរសិក្សានៅបរទេសទាំងមូល

មគ្គុទ្ទេសក៍ទេសចរណ៍ទៅកាន់ទីក្រុង Melbourne ប្រទេសអូស្ដ្រាលី

ប្រធានបទគ្របដណ្តប់

មគ្គុទ្ទេសក៍ទេសចរណ៍ទៅកាន់ទីក្រុង Melbourne ប្រទេសអូស្ដ្រាលី

បន្ទាប់ពីរយៈពេលជិតពីរឆ្នាំ ទីបំផុតអូស្ត្រាលីបានបើកព្រំដែនឡើងវិញសម្រាប់និស្សិតអន្តរជាតិ ហើយឥឡូវនេះអ្នកអាចធ្វើដំណើរបានដោយគ្មានឧបសគ្គ ប្រសិនបើអ្នកចង់ទៅសិក្សានៅទីនោះ។

ទីក្រុងដ៏ពេញនិយមមួយដែលគួរទៅសិក្សាគឺទីក្រុង Melbourne នៅទីនោះមានទាំងស្ថាប័នអប់រំលំដាប់ពិភពលោក ជីវិតទីក្រុង និងការផ្សងព្រេងដែលធ្វើឱ្យវាមានប្រជាប្រិយភាពយ៉ាងខ្លាំងសម្រាប់និស្សិតអន្តរជាតិ។

ប្រសិនបើអ្នកចូលចិត្តទីក្រុងដ៏រស់រវើកនេះ ស្វែងយល់ពីអ្វីដែលទីក្រុងនេះផ្តល់ជូនតាមរយៈមគ្គុទ្ទេសក៍ទេសចរណ៍ទៅកាន់ទីក្រុង Melbourne!

ត្រូវអនុវត្តតាមវិធានការសុវត្ថិភាពក្នុងតំបន់

ដោយសារតែជំងឺរាតត្បាត អ្នកត្រូវដឹងអំពីច្បាប់ និងការហាមឃាត់របស់ទីក្រុងសម្រាប់អ្នកដែលបានចាក់វ៉ាក់ស៊ាំងពេញលេញ។

ទាំងនេះរួមមាន:

ចុះឈ្មោះក្នុងកម្មវិធី Service Victoria ឬផ្តល់ព័ត៌មានទំនាក់ទំនងរបស់អ្នក
ពាក់ម៉ាសនៅទីសាធារណៈ កន្លែងបិទជិត ដូចជាហាងលក់ឥវ៉ាន់ និងពេលដែលអ្នកមិនអាចរក្សាគម្លាតបាន
រក្សាគម្លាតយ៉ាងហោចណាស់ ១.៥ ម៉ែត្រពីអ្នកដទៃ ប្រសិនបើអាចធ្វើទៅបាន

កុំឲ្យរងចាំយូរ តោះចូលទៅមើលទាំងអស់គ្នា!

៧ យ៉ាងដែលត្រូវស្គាល់ និងរីករាយក្នុងទីក្រុង Melbourne ប្រទេសអូស្ត្រាលី

១. ទៅកាន់ City Laneways ដើម្បីទស្សនាសិល្បៈ និងបារ

មកមើលសិល្បៈតាមដងផ្លូវដ៏គួរឱ្យចាប់អារម្មណ៍នៅ Creative Laneways ទីក្រុង Melbourne ហើយចូលទៅហាងលក់សម្លៀកបំពាក់ ហាងកាហ្វេ បារ និងច្រើនទៀត។

មានរឿងជាច្រើនដែលត្រូវធ្វើនៅក្នុងតំបន់ដ៏មមាញឹកនេះ ដូចនេះអ្នកប្រហែលជាត្រូវទៅច្រើនដង ដើម្បីស្វែងយល់ពីកន្លែងនោះអស់!

២. ផ្លូវលក់អាហារនៅ Melbourne

អ្នកចូលចិត្តញ៉ាំប្រាកដជារីករាយ! ផ្លូវលក់អាហារនៅ Melbourne មានរសជាតិ និងអាហារចម្រុះជាច្រើនមុខដែលធ្វើឲ្យអ្នករីករាយ។

នៅផ្លូវ Gertrude អ្នកនឹងរកឃើញអាហារឆ្ងាញ់ៗ បារល្អៗ និងចុងភៅកំពូលៗ។ ប្រសិនបើអ្នកចូលចិត្តហាងកាហ្វេ អ្នកនឹងចូលចិត្តផ្លូវ Lygon ជាកន្លែងដែលអ្នកអាចស្គាល់ពីវប្បធម៌ហាងកាហ្វេរបស់ទីក្រុង Melbourne និងរីករាយជាមួយកាហ្វេដ៏ឆ្ងាញ់។

ប្រសិនបើអ្នកចូលចិត្តភោជនីយដ្ឋានបែបអាស៊ី ឬបារបែបអ៊ីតាលី នោះអ្នកគួរទៅផ្លូវ Chapel។

៣. ជិះបាឡុងមើលទីក្រុង Melbourne

ភាគច្រើនគេជិះបាឡុងនៅតាមទីជនបទ ប៉ុន្តែនៅទីក្រុងដ៏មមាញឹកនេះក៏មានផងដែរ!

ប្រសិនបើអ្នកអាចក្រោកពីព្រលឹម វាពិតជាអស្ចារ្យក្នុងការជិះទៅមើលថ្ងៃរះ ខណៈពេលដែលបានឃើញនូវទិដ្ឋភាពដ៏ទាក់ទាញរបស់ទីក្រុង Melbourne នៅពេលទីក្រុងស្ងប់ស្ងាត់។

ភាពអស្ចារ្យនៃដំណើរកម្សាន្ដនីមួយៗគឺស្ថិតនៅលើទីតាំងដែលអ្នកចាប់ផ្តើម កន្លែងដែលអ្នកទៅ និងកន្លែងដែលចុះចត អ្នកនឹងមានការភ្ញាក់ផ្អើល ដោយសារតែពេលជិះម្ដងៗប្រែប្រួលទៅតាមអាកាសធាតុ។

៤. ទិញឥវ៉ាន់នៅផ្សារ Queen Victoria

ផ្សារ Queen Victoria គឺជាផ្សារដ៏ធំបំផុតនៅអូស្ត្រាលី ហើយបានដំណើរការជាង ១៤០ ឆ្នាំមកហើយ។

ជាមួយនឹងអាជីវកម្មជាង ៦០០ ដែលមានលក់ផលិតផលធ្វើដោយដៃ ផលិតផលថ្មីៗ និងជាពិសេស សម្លៀកបំពាក់ អាហារ កាហ្វេ និងច្រើនទៀត អ្នកនឹងរកបានទំនិញជាច្រើនប្រភេទនៅទីនេះ។

នៅយប់ថ្ងៃពុធ មានផ្សាររាត្រីនៅផ្សារ Queen Victoria ដូច្នេះអ្នកនឹងបានឃើញការប្រគុំតន្ត្រី បារ និងអាហារតាមចិញ្ចើមផ្លូវនៅពេលល្ងាច។

និយាយដល់អាហារ សូមកុំខកខាន Ultimate Foodie ដែលមានរយៈពេល២ម៉ោងដែលអ្នកនឹងទទួលបានអាហារដ៏ល្អបំផុត។

៥. Artsy & Abbotsford Convent

ពីដំបូងឡើយទីនេះគឺជាមហាសន្និបាត មណ្ឌលកុមារកំព្រា និងកន្លែងមើលថែទាំមនុស្សចាស់នៅចុងទសវត្សរ៍ឆ្នាំ ១៨០០ ចាប់តាំងពីពេលនោះមក Abbotsford Convent បានក្លាយទៅជាមណ្ឌលពហុសិល្បៈដ៏ធំបំផុតរបស់អូស្ត្រាលី ហើយជាកន្លែងសិល្បៈ វប្បធម៌ និងការសិក្សា។

ជាបណ្ដុំនៃសហគមន៍ច្នៃប្រឌិត ហាងកាហ្វេ វិចិត្រសាល មន្ទីរពេទ្យ សាលារៀន ស្ថានីយ៍វិទ្យុ និងសួន មានកន្លែងជាច្រើនដែលត្រូវរុករកនៅទីនោះ។

ទៅមើលស្នាដៃគំនូរដ៏ស្រស់ស្អាតរបស់វិចិត្រករ ញ៉ាំអាហារនៅហាងកាហ្វេ ឬនៅកសិដ្ឋាន Collingwood Children's Farm ដើម្បីទៅមើលសត្វផ្សេងៗ។

៦. ទៅសួនសត្វ Melbourne Zoo

ស្ថិតនៅជាយក្រុង Melbourne សួនសត្វ Melbourne Zoo គឺជាជម្រករបស់សត្វជាង ៣២០ ប្រភេទមកពីជុំវិញពិភពលោក។

អ្នកនឹងបានឃើញសត្វ koala និង kangaroo នៅពេលអ្នកដើរកាត់ព្រៃដ៏ខៀវស្រងាត់ និងមានសត្វជាច្រើនទៀតរួមមាន ខ្លា ស្វា ភេនឃ្វីន និងផ្សេងៗទៀត។

កក់កន្លែងជាមុន ដើម្បីបានឃើញសត្វដែលអ្នកចូលចិត្តនៅក្នុងការសម្ដែង!

៧. ទៅសម្រាកនៅជ្រលងភ្នំ Yarra

ចេញពីទីក្រុង ហើយធ្វើដំណើរទៅកាន់ជ្រលងភ្នំ Yarra ដែលជាកន្លែងដែលសម្បូរទៅដោយកសិដ្ឋាន ភ្នំបៃតង និងចម្ការទំពាំងបាយជូរ។

ប្រសិនបើអ្នកចូលចិត្តស្រា អ្នកនឹងរីករាយពេលដែលដឹងថាអ្នកអាចភ្លក់ស្រាពីហាងស្រាល្បីៗក្នុងតំបន់រៀងរាល់ចុងសប្តាហ៍។

ដូចគ្នានេះផងដែរ អ្នកអាចញ៉ាំអាហារដ៏ឈ្ងុយឆ្ងាញ់នៅភោជនីយដ្ធានល្បីល្បាញជាច្រើន ហើយរីករាយនឹងការភ្លក់សូកូឡាដោយឥតគិតថ្លៃនៅ Yarra Valley Chocolaterie and Ice Creamery។