សិក្សាភាសាអង់គ្លេសនៅសាលា ACE

មជ្ឈមណ្ឌលអូស្ត្រាលីសម្រាប់ការអប់រំ គឺជាអ្នកដឹកនាំក្នុងការផ្តល់សេវាបង្រៀនភាសាអង់គ្លេសនៅក្នុងប្រទេសកម្ពុជា និងក្នុងតំបន់អាស៊ីអាគ្នេយ៍។ ACE គឺជាគំនិតផ្តួចផ្តើមនៃ IDP Education ។

IDP Education មានបទពិសោធន៍ជាង 45 ឆ្នាំនៅក្នុងសេវាកម្មបញ្ចូលនិស្សិតទៅសិក្សានៅក្រៅប្រទេស ក្នុងនោះមានសិស្សជាង 400,000 នាក់ដែលបានទៅសិក្សាក្នុងស្ថាប័នដែលមានគុណភាពនៅក្នុងប្រទេសអូស្ត្រាលី ចក្រភពអង់គ្លេស សហរដ្ឋអាមេរិក កាណាដា និងណូវែលហ្សេឡង់។ IDP មានការិយាល័យចំនួន 100 នៅក្នុងប្រទេសចំនួន 32 និងផ្តល់ជូនតេស្ត IELTS នៅជាង 200 ទីតាំងក្នុង 50 ប្រទេស។ IDP Education គឺជាស្ថាប័នឈានមុខគេលើពិភពលោកក្នុងសេវាកម្មបញ្ចូលនិស្សិតទៅសិក្សានៅក្រៅប្រទេស និងជាសហម្ចាស់ដ៏មានមោទនភាពនៃ IELTS (International English Language Testing System) ដែលជាការធ្វើតេស្តវាស់ស្ទង់សមត្ថភាពភាសាអង់គ្លេសឈានមុខគេរបស់ពិភពលោក។

IDP Education ក៏ជាអ្នកផ្តល់សេវាបង្រៀនភាសាអង់គ្លេស (ELT) ឈានមុខគេនៅក្នុងតំបន់អាស៊ីអាគ្នេយ៍ និងផ្តល់ជម្រើសសិក្សាជាច្រើនប្រភេទ។ យើងផ្តល់ជូននូវកម្មវិធីជាច្រើនចាប់ពីវគ្គខ្លីៗសម្រាប់ត្រៀម IELTS រហូតដល់កម្មវិធីភាសាអង់គ្លេសអាជីវកម្មទូលំទូលាយ។ ជារៀងរាល់ឆ្នាំ សិស្ស 20,000 នាក់សិក្សាភាសាអង់គ្លេសនៅក្នុងសាលាភាសារបស់យើងទូទាំងប្រទេសកម្ពុជា។